Pas vrasjes së liderit të Hezbollahut, Hassan Nasrallah, Irani ka kërkuar një mbledhje urgjente të Këshillit të Sigurimit të OKB-së për të ndalur agresionin izraelit.
Ambasadori iranian theksoi se Teherani do të mbrojë interesat e tij sipas ligjit ndërkombëtar. Ndërkohë, Izraeli ka vazhduar sulmet ajrore në Liban, duke goditur objektiva të Hezbollahut.
Kryeministri Benjamin Netanyahu e quajti vrasjen një larje hesapesh dhe një pikë kthese për balancën e fuqisë në Lindjen e Mesme. Nasrallah kishte udhëhequr Hezbollahun për tre dekada, duke e bërë atë një forcë të rëndësishme në rajon.
