Ministri i Jashtëm Igli Hasani ka përshëndetur emërimin e Mark Rutte si kreu i ri i NATO-s, duke e quajtur udhëheqjen e tij thelbësore për forcimin e Aleancës.
Në një postim në rrjetin social “X”, Hasani theksoi rëndësinë e këtij momenti për unitetin transatlantik dhe shprehu besimin se Rutte do të luajë një rol kyç në këtë periudhë vendimtare.
“Urime Mark Rutte për marrjen e rolit të Sekretarit të Përgjithshëm të NATO-s. Udhëheqja juaj do të jetë thelbësore në forcimin e mëtejshëm të Aleancës sonë në një kohë vendimtare për unitetin transatlantik”, shkruan Hasani.
