Në stacionin qendror të trenave në Hamburg është ngritur një situatë alarmi, pasi policia federale ka ndaluar lëvizjen dhe ka larguar nga terminali pasagjerët.
Sipas Bild, një student i mjekësisë nga Ruanda është identifikuar me virusin vdekjeprurës Marburg.
“Ai dhe e dashura e tij hipën në ICE për në Hamburg nga Frakfurt/ Main të mërkurën pasdite. Gjatë udhëtimit me tren ai shfaqi simptoma të ngjashme me gripin. Studenti kishte ardhur më parë me avion direkt nga vendi i Afrikës Lindore, ku kishte trajtuar një pacient me virusin Marburg’, shkruan Bild.
Sipas Ministrisë së Shëndetësisë në kryeqytetin e Ruandës, Kigali ka humbur jetën tetë persona nga virusi Marburg, ndërsa janë infektuar 27 të tjerë.
