Gazetarja Jonila Godole, pedagoge në Departamentin e Gazetarisë, ka lidhur kurorë me Christian Steiner, ish-ambasadorin austriak në Shqipëri.
Takimi i parë mes tyre ndodhi në janar të vitit 1997, gjatë trazirave, kur Godole punonte për gazetën “Koha Jonë” dhe Steiner sapo kishte filluar karrierën e tij diplomatike. Pas më shumë se një dekade, ata u ritakuan në tetor 2019, kur Steiner u kthye si ambasador në Shqipëri.
Tani, pas këtij udhëtimi të gjatë, ata kanë zyrtarizuar marrëdhënien e tyre përmes martesës.
