Lideri i Koresë së Veriut, Kim Jong Un, deklaroi se vendi i tij do të përdorë armë bërthamore “pa hezitim” nëse sulmohet nga Koreja e Jugut dhe SHBA.
Këto komente erdhën në një kontekst të tensioneve të larta, pasi marrëdhëniet mes dy Koreve janë në nivelin më të ulët në dekada.
Kim kritikoi presidentin jugkorean, Yoon Suk Yeol, për kërcënimet ndaj regjimit të tij dhe theksoi se çdo shkelje e sovranitetit të Veriut do të përballet me forcë, përfshirë armët bërthamore.
Gjatë një parade ushtarake në Seul, Koreja e Jugut shfaqi raketat e saj më të avancuara, duke përfshirë Hyunmoo-5, të cilat janë të dizajnuara për të goditur bunkerët nëntokësorë të Veriut.
