Kryeministri izraelit Benjamin Netanyahu shprehu kritika të forta ndaj presidentit francez Emmanuel Macron dhe liderëve të tjerë perëndimorë, duke i akuzuar për hipokrizi pasi bënë thirrje për një embargo armësh ndaj Izraelit. Në një fjalim të zjarrtë, Netanyahu theksoi se ndërsa Irani vazhdon të armatosë grupe si Hezbollah dhe Hamas, vendet që pretenduan të luftojnë terrorizmin po përpiqen të kufizojnë aftësinë e Izraelit për t’u mbrojtur.
“A po imponon Irani një embargo armësh ndaj Hezbollahut dhe Hamasit? Sigurisht që jo,” tha ai. Deklaratat e tij vijnë në një kohë kur presioni ndërkombëtar për të shqyrtuar operacionet ushtarake të Izraelit në Gaza është rritur pas sulmit të 7 tetorit nga Hamasi, që ka shkaktuar qindra të vdekur.
Macron sugjeroi që furnizimet me armë për Izraelin duhet të rishikohen për shkak të ndikimit humanitar në Gaza, por Netanyahu theksoi se Izraeli po lufton në shumë fronte kundër armiqve të qytetërimit dhe kërkoi solidaritet global me vendin e tij. Ai përfundoi duke shprehur besimin se Izraeli do të triumfojë, pavarësisht thirrjeve për embargo.
