Sekretari i Përgjithshëm i Partisë Demokratike, Flamur Noka është shprehur se sot ishte dita e parë e mosbindjes civile teksa ka shtuar se revolta e qytetarëve do të vazhdojë.
Pas përfundimit të protestës së opozitës, Noka është shprehur se kjo mosbindje civile nuk do të ndalojë deri në përmbushjen e synimeve të tyre.
Belind Këlliçi akuzoi se policia ka shoqëruar protestuesit. “Ka pasur një sulm nga policia që i ka shoqëruar. Janë disa të shoqëruar. Më duhet të konfirmoj emrat e të gjithë qytetarëve për të pasur një reagim zyrtar.
Protesta e sotme? Nuk ka lidhje pjesëmarrja sepse PD sheshet i ka pasur përherë plot. Por nga sot ka nisur mosbindja civile. Aktet e sotme janë asgjë me atë që e pret këtë mazhorancë.
Ajo që ndodhi para PS-së është një goditje me pambuk me atë që pritet që të ndodhë. Protesta do të përshkallëzohet në ditët në vazhdim. Ky ishte vetëm akti i parë.
I dyti, do të njoftoheni shumë shpejt. E radhës po shqyrtojmë shumë formate të ndryshme, nuk është e thënë që të jetë si protestë tradicionale” tha ai.
