Zëvendëspresidentja e Partisë së Lirisë, Erisa Xhixho, ka shpërndarë një video që ilustron dhunën e protestuesve në tubimin e opozitës.
Ajo e cilëson këtë si një akt të narko-qeverisë, e cila, sipas saj, po i vjedh qytetarët më të varfër dhe po i shtyn ata drejt një realiteti të pamundur.
Xhixho thekson se autoritetet po tentojnë të frikësojnë qytetarët dhe të rrezikojnë jetën e tyre, duke treguar frikën e qeverisë nga protestat paqësore.
REAGIMI I XHIXHOS
Ja e vërteta e dhunës së protestës së qytetarëve të lirë.
Ky është reagimi i narko-qeverisë, që pasi i vjedh çdo ditë qytetarët më të varfër në Evropë, pasi i dhunon çdo ditë duke e bërë këtë vend të pajetueshëm sa largimin prej tij e shohin si të vetmen shpresë, tani dhe kërkon t’u vërë flakën e t’u rrezikojë edhe jetën.
Kjo është mënyra si sillet me qytetarët e vet një pushtet që ka frikë nga protesta paqësore dhe nga vota e lirë e qytetarëve.
Edi Rama është sot drejtuesi i grupit të strukturuar kriminal, ndaj dhe përballja me këtë regjim është e vetmja mënyrë për të vendosur shtetin ligjor në vend.
