Në Forumin Dogana – Biznes, organizuar nga Drejtoria e Përgjithshme e Doganave dhe Dhomën e Tregtisë dhe Industrisë së Tiranës, u njoftua se nga 1 janari 2025, certifikatat e origjinës do të lëshohen në mënyrë elektronike. Drejtori Genti Gazheli theksoi se kjo masë do të ulë ndjeshëm kohën dhe kostot për bizneset.
Kryetari i Dhomës, Nikolin Jaka, vlerësoi marrëdhëniet pozitive ndërmjet administratës doganore dhe bizneseve, duke theksuar rëndësinë e digjitalizimit të procedurave.
Doganat gjithashtu inkurajuan bizneset të aplikojnë për statusin e Operatorit Ekonomik të Autorizuar për lehtësira të mëtejshme.
