Igli Bardhi, një 25-vjeçar nga Laçi, është arrestuar nga policia pasi përndoqi dhe ushtroi dhunë ndaj një 31-vjeçareje për një periudhë prej pesë muajsh. Shtetasja kishte denoncuar se ishte ndjekur nga ai dhe se kishte përjetuar kërcënime për jetën.
Pas kallëzimit të saj, policia organizoi një operacion në bashkëpunim me Drejtorinë Vendore të Policisë Vlorë, duke arritur të lokalizojnë dhe arrestojnë Bardhin.
Gjatë ndalimit, në automjetin e tij u gjet një armë zjarri pistoletë, e cila do të ekspertizohet. Materialet procedurale i janë dorëzuar Prokurorisë për veprime të mëtejshme.
