Komisioni Qendror i Zgjedhjeve (KQZ) ka bërë kërkesë për rekrutimin e 395 punonjësve me kohë jo të plotë për zgjedhjet parlamentare të vitit 2025. Sekretarja e Përgjithshme, Majlinda Çelmeta, theksoi rëndësinë e këtyre punonjësve për përgatitjen dhe menaxhimin e procesit zgjedhor, duke përmendur nevojën për ekspertizë në teknologji, monitorim fushatash dhe kontroll financash.
Drejtoresha e Burimeve Njerëzore, Anila Ruço, shpjegoi se akordimi i fondeve është i domosdoshëm për rekrutimin në kohë. Kryetarja e Komisionit të Ligjeve, Klotilda Bushka, konfirmoi se kërkesa është miratuar në parim, ndërsa vendimi përfundimtar do të merret në mbledhjen e ardhshme.
