Tërmeti i djeshëm i fuqishëm me magnitudë 5.9 Rihter në Turqinë lindore nuk kërcënon Greqinë, tha për ERT pak kohë më parë profesori i gjeologjisë, Efthimios Lekkas.
Megjithatë, gazeta greke “Tanea” shkruan se e njëjta gjë nuk është e vërtetë për rastin e një tërmeti të ri të madh në Stamboll, i cili është vetëm çështje kohe para se të ndodhë dhe mund të prekë Greqinë.
Profesori Efthimios Lekkas tha se nuk ka shkencëtar në botë që nuk beson se do të pasojë një tërmet i madh në Stamboll.
Duke analizuar tërmetin e ndodhur dje më 16/10 në zonën e Kalesë, në Turinë lindore, ai tha se që nga dita e djeshme kanë pasuar mbi 100 tërmete. Ai sqaroi se tërmeti në zonën e Kalesë, ka ndodhur në shtrirjen e thyerjes së tërmetit të dytë në Kahramanmaras në Turqinë Jugore.
Këta janë tërmetet më të fuqishme dhe shkatërruese që goditën Turqinë jugore më 6 shkurt 2023, duke shkaktuar dëme të shumta në dhjetë provinca të Turqisë dhe Sirinë veriore dhe të paktën 56,000 të vdekur – nga të cilët më shumë se 43,000 ishin në Turqi.
