Sekretariati i Etikës nuk mori në shqyrtim kërkesën e Albana Vokshit pasi u konsiderua jashtë afateve. Në seancën e fundit të Komisionit Hetimor në Shëndetësi më 9 tetor, kryetarja Albana Vokshi dhe nënkryetari Plarent Ndreca, u përplasën ashpër për drejtimin e mbledhjes.
Ndreca nisi mbledhjen pa Vokshin, ndërkohë që kjo e fundit e akuzoi se ka shkelur ligjin dhe kërkoi përjashtimin e tij dhe të dy deputetëve të tjerë Erion Braçe dhe Ilir Metaj.
“Të nisë procedura për marrjen e masave disiplinore për deputetët dhunues verbale, Plarnet Ndreca, Ilir Metaj dhe Erion Braçe”, tha Vokshi teksa po lexonte shkresën drejtuar Sekretariatit.
