Një e moshuar, 82-vjeçare, e cila ishte denoncuar e zhdukur në Elbasan, është gjetur e pajetë pas kërkimeve në pyllin e fshatit Mjekës.
Policia informoi se, pas një operacioni të gjerë kërkues, trupi i saj u zbulua pa shenja jete. Familjarët kanë pohuar se ajo vuante nga skleroza. Hetimet paraprake sugjerojnë se e moshuara mund të ketë rrëshkitur dhe rënë për shkak të terrenit, duke rezultuar në fatalitet.
Ekspertiza mjeko-ligjore do të kryhet për të përcaktuar shkakun e vdekjes, ndërsa grupi hetimor po punon për dokumentimin e ngjarjes.
