Myrto Uzuni ishte protagonist në fitoren e Granadës me rezultatin 4-0 ndaj Tenerife, duke shënuar dy gola.
Pas ndeshjes, ai falënderoi tifozët për mbështetje dhe theksoi rëndësinë e kthimit në La Liga.
“Shumë faleminderit që erdhët sot, kjo fitore dhe golat e mi janë gjithmonë për ju. Shumë faleminderit për mbështetjen dhe jam gjithmonë këtu për të shënuar gola dhe për t’ju bërë të lumtur të gjithëve te Granada. Jemi të gjithë bashkë për t’u kthyer në La Liga dhe besojmë që deri në fund me ju mund t’ja dalim”, u shpreh Uzuni.
Në këtë sezon, Uzuni ka arritur të shënojë katër gola dhe të japë një asistim në tetë ndeshje, duke kontribuar në objektivat e ekipit.
