Kryeministri izraelit, Benjamin Netanyahu, ka deklaruar se Hezbollahu po përgatit një sulm të madh nga Libani, më të madh se sulmi i 7 tetorit 2023, i cili u organizua nga Hamas. Ai tha se ushtria izraelite ka zbuluar tunele nëntokësore pranë kufirit që janë planifikuar për një pushtim të Izraelit.
Netanyahu theksoi se sulmi do të përfshinte përdorimin e mjeteve si xhipa dhe motoçikleta, si dhe armë moderne ruse të gjetura në strehëzat e Hezbollahut. Ai po ashtu vuri në dukje se Izraeli ka nisur sulme ajrore ndaj grupit shiit dhe operacione tokësore në jug të Libanit.
Deri tani, lufta ka shkaktuar të paktën 1,552 viktima në Liban dhe ka detyruar rreth 800,000 njerëz të zhvendosen brenda vendit.
