Nancy VanHorn, E Ngarkuara me Punë e Shteteve të Bashkuara, zhvilloi sot një takim me Florian Sulejmanin, Drejtorin e Përgjithshëm të Agjencisë së Mbikëqyrjes Policore (AMP). Gjatë bisedës, VanHorn vlerësoi angazhimin e AMP-së për integritet dhe profesionalizëm, duke theksuar rëndësinë e procesit të vetting-ut dhe hetimeve.
Diskutimet u përqendruan në përpjekjet e AMP-së për të rritur ndërveprimin me komunitetin dhe për të forcuar kapacitetet e saj të mbikëqyrjes, duke përfshirë njësinë e poligrafit.
“Ata vunë në dukje rëndësinë e reagimit të AMP-së ndaj ankesave publike si një mënyrë për të forcuar besimin e publikut dhe sundimin e ligjit – thelbësore për procesin e integrimit të Shqipërisë në BE. Drejtori i Përgjithshëm falënderoi ICITAP-in për përkushtimin e tij për ndërtimin e kapaciteteve dhe profesionalizmit brenda AMP-së, si dhe për kontributet në pajisje, IT, dhe për ekspertizën e Ekipit Këshillimor të AMP-së, i cili është i integruar në Ministrinë e Brendshme. Që nga viti 2020, Shtetet e Bashkuara kanë ofruar ndihmë teknike, trajnim dhe mentorim për AMP-në përmes Departamentit të Shtetit dhe Departamentit të Drejtësisë së SHBA, në mbështetje të misionit të saj për përparimin e mbikëqyrjes policore, llogaridhënies dhe sundimit të ligjit”, njofton ambasada e SHBA.
