Drejtori i SPAK, Altin Dumani, bashkë me zv/drejtorin Adnand Xholi dhe prokuroren Elida Kaçkini, po qëndrojnë në Brazil për të hetuar lidhjet e shqiptarëve me trafikun e kokainës.
Ky delegacion do të marrë pjesë në një konferencë prokurorësh dhe do të zhvillojë takime me autoritete braziliane për ngritjen e skuadrave të përbashkëta hetimore.
Rastet e hetuara përfshijnë trafikimin e 69 kg kokainë të kapur më 18 Maj 2021, si dhe 617 kg kokainë të sekuestruar më 2 Shtator 2019, që dyshohet se lidhen me grupe kriminale nga Elbasani.
SPAK ka filluar procedura ndaj disa shqiptarëve të implikuar, por hetimi për Ergys Dashin është ndërprerë pas vrasjes së tij në Brazil.
