Gjatë mbledhjes së sotme, Komisioni i Posaçëm Parlamentar për Reformën në Mirëqeverisje dhe Antikorrupsionin miratoi tre vendime të rëndësishme.
Konsultime publike, u miratuan hapat për organizimin e një procesi të gjerë konsultimi publik, duke përfshirë tryeza tematike dhe forume dialogu me qytetarët për çështjet e ndjeshme.
Ndryshimi i grupit të ekspertëve, u vendosën ndryshime në përbërjen e Grupit të Ekspertëve të Nivelit të Lartë, me qëllim përmirësimin e procesit.
Ekspertë të jashtëm, u miratua lista e ekspertëve dhe konsulentëve ndërkombëtarë, të cilët do të mbështesin aktivitetet e komisionit.
Këto vendime synojnë të rrisin transparencën dhe profesionalizmin në procesin e reformave. Anëtarët e opozitës nuk morën pjesë në mbledhje.
