Kryeministri hungarez, Viktor Orban, deklaroi se zgjedhjet në Gjeorgji, ku partia në pushtet “Ëndrra Gjeorgjiane” doli fituese, ishin të lira dhe demokratike. Ai uroi homologun e tij gjeorgjian, Irakli Kobakhidze, gjatë një vizite në Tbilisi, sipas raportimeve të Reuters.
Megjithatë, jashtë parlamentit të Gjeorgjisë, mijëra protestues shprehën pakënaqësinë e tyre mbi raportet për parregullsi në votim, duke kërkuar që vendet perëndimore të kërkojnë një hetim.
Sipas të dhënave nga Komisioni Qendror i Zgjedhjeve, zgjedhjet parlamentare të mbajtura gjatë fundjavës përfunduan mëngjesin e 27 tetorit, me një pjesëmarrje prej 58.94%. Pas numërimit të 99.3% të votave, partia “Ëndrra Gjeorgjiane” fitoi 54.086% të votave.
Blloku opozitar “Koalicioni për Ndryshim” mori 10.9%, “Lëvizja Bashkim Kombëtar” 10.1%, “Gjeorgjia e Fortë” 8.7%, dhe “Gakaria për Gjeorgjinë” 7.7%.
