Kuvendi ka shpallur tenderin për 30 karrige të reja për të zëvendësuar ato që u dogjën nga opozita një muaj më parë gjatë një seance të tensionuar.
Vlera e tenderit është 13,700 euro, gati dyfish i dëmit prej 7,500 eurosh që iu faturua deputetëve për dëmet e shkaktuara.
Kuvendi njofton se blerja duhet përfunduar brenda 7 ditëve nga nënshkrimi i kontratës, ndërsa afati i aplikimeve është deri më 4 Nëntor.
Deputetët e PD kanë ende afat për shlyerjen e dëmit, i cili do të mbahet nga pagat e nëntorit dhe dhjetorit.
