I ftuar në emisionin “5 Pyetjet” me Babaramo, Endri Shabani, drejtues i Nismës Thurje, theksoi rëndësinë e rritjes së pensioneve si një çështje të domosdoshme për ata që kanë kontribuar me sakrifica në ekonominë e vendit.
“Është çështje prioriteti, Qaniu ka punuar në minierë, ka rrezikuar jetën, por sot ka një pension prej 190 eurosh. Këta të korporatës që ishin në parlament marrin si pension suplementar mbi atë që kanë kontribuar aty. Me ligj, ata marrin 1800 euro, ndërsa Qaniu merr 190 euro, dhe pensioni mesatar del mbi 1000 euro. Ky është problemi. Nga ai mesatar, 60 milion euro shkojnë për pensione suplementarë, përveç se është antikushtetues. Pra, këto shkojnë për deputetë, kryeministra dhe të tjerë që marrin këtë pension. Këta për veten e tyre e kanë të zgjidhur.“, tha Endri Shabani.
