Kryetarja e Kuvendit, Elisa Spiropali, priti delegacionin e grupit të miqësisë të Parlamentit ukrainas dhe theksoi angazhimin e palëkundur të Shqipërisë për të mbështetur Ukrainën në luftën e saj kundër agresionit rus.
Spiropali nënvizoi se “Parlamenti, qeveria dhe qytetarët shqiptarë janë të vendosur dhe do të vazhdojnë të mbështesin sovranitetin dhe integritetin territorial të Ukrainës”. Ajo shprehu besimin se mbështetje e Shqipërisë do të vazhdojë deri në rikthimin e rendit ndërkombëtar dhe ndihmën për rindërtimin e vendit pas konfliktit.
“Solidariteti me popullin ukrainas është një luftë për të mbrojtur qytetërimin dhe vlerat tona të përbashkëta,” përfundoi Spiropali.
