Donald Trump iu referua në mes të zgjedhjeve “thashethemeve” se votimi në Filadelfia u dëmtua nga “mashtrimi masiv”, pa paraqitur asnjë provë për pretendimin.
“Ka shumë thashetheme për mashtrime masive në Filadelfia” tha kandidati republikan i Shtëpisë së Bardhë duke iu referuar bastionit demokrat të Pensilvanisë.
Autoritetet në shtetin verilindor, më të kontestuarit në përballjen e sotme mes Donald Trump dhe Kamala Harris, deri më tani nuk kanë folur për ndonjë formë mashtrimi.
Donald Trump tha të martën në mëngjes se ai ishte i përgatitur të pranonte humbjen ndaj Kamala Harris nëse zgjedhjet ishin “të drejta”, duke ngritur spektrin e mashtrimit, përpara votimit në Florida.
“Nëse i humb zgjedhjet dhe nëse zgjedhjet janë të drejta, do të jem i pari që do t’i njoh”, siguroi ish-presidenti (2017-2021) dhe kandidati për herë të tretë për Shtëpinë e Bardhë.
Gjatë gjithë fushatës, manjati, i cili kurrë nuk e ka pranuar humbjen në vitin 2020, ka hedhur bazat për polemika të reja.
