Britania e Madhe do të nënshkruajë një marrëveshje të re me Kosovën, Serbinë dhe Maqedoninë e Veriut për të forcuar bashkëpunimin në luftën kundër bandave kriminale që merren me kontrabandën e emigrantëve.
Ky hap ka për qëllim rritjen e shkëmbimit të informacionit dhe intensifikimin e monitorimit të grupeve që organizojnë kalime ilegale emigrantësh përmes Ballkanit Perëndimor, një rrugë kyçe për ata që synojnë të hyjnë ilegalisht në Bashkimin Evropian dhe Britaninë e Madhe. Kjo marrëveshje është e ngjashme me atë që u nënshkrua me Shqipërinë në vitin 2022.
Në vitin 2023, rreth 100,000 emigrantë kaluan përmes rajonit, duke theksuar rëndësinë e këtij partneriteti. Kryeministri britanik Keir Starmer, i cili po merr pjesë në samitin e Komunitetit Politik Evropian në Hungari, ka theksuar se lufta kundër migracionit të paligjshëm mbetet një prioritet kryesor.
