Sulmuesi i Milanit, Alvaro Morata, ka përfunduar në spital pas një përplasje të fortë në kokë me mbrojtësin serb Pavlovic gjatë stërvitjes. Raportimet nga Sky Sport thonë se Morata ka pësuar një traumë në kokë dhe do të mungojë në ndeshjen e radhës të Milanit, kundër Cagliarit në Sardenjë.
Pasi u transportua në spitalin e Legnano për kontroll, ai iu nënshtrua një rezonance magnetike, që rezultoi negative. Morata do të monitorohet gjatë orëve në vazhdim, por për momentin është e sigurt që do të mungojë në ndeshjen e ardhshme.
Milan po shqyrton mundësitë për zëvendësimin e tij në sulm, me Tammy Abraham si kandidatin kryesor. Në rast se Abraham nuk është në formë, mund të provojë opsione të tjera, si Noah Okafor ose Luka Jovic, nëse është në gjendje të mirë fizike.
