Të mërkurën uragani Rafael goditi bregun jugor të Kubës, si një ciklon i kategorisë 3, me erëra prej 185 kilometrash në orë, njoftoi Qendra Kombëtare e Uraganeve të SHBA.
Uragani goditi një zonë rreth 135 kilometra në jug të Havanës dhe Qendra Kombëtare e Uraganeve në Miami paralajmëroi se pjesa më e madhe e Kubës perëndimore ishte nën “stuhitë kërcënuese për jetën me erëra të forta uragane”, shkruan Reuters.
Gjatë mesditës energjia elektrike mungonte dhe shkollat dhe transporti publik u pezulluan deri në një njoftim të dytë. Gjithashtu edhe fluturimet në aeroportet ndërkombëtare “Jose Marti” dhe “Varadero” do të pezullohen deri nesër dhe policia paralajmëroi qytetarët që të strehohen.
