Nominimet për “Grammy Awards 2025” janë shpallur, me Beyoncé që kryeson me 11 kategori, duke rritur numrin e saj rekord të nominimeve.
Pas saj renditen Kendrick Lamar, Charli XCX dhe Billie Eilish, secili me nga shtatë nominime. Në kategoritë kryesore, Beyoncé është nominuar për albumin më të mirë me “Cowboy Carter” dhe për këngën më të mirë me “Texas Hold ‘Em”. Edhe artistë të tjerë si Taylor Swift, Billie Eilish, dhe Kendrick Lamar janë në garë për çmime të rëndësishme.
Përveç tyre, është njoftuar se nuk ka asnjë artist shqiptar të nominuar këtë vit, duke lënë jashtë emra si Dua Lipa, Bebe Rexha, Rita Ora dhe Ava Max. Ceremonia e ndarjes së çmimeve do të zhvillohet më 2 shkurt 2025 në Los Angeles.
