Marrëveshja mes Shqipërisë dhe Italisë për transferimin e emigrantëve në Shqipëri po has sfida, shkruan gazeta italiane Il Fatto Quotidiano. Sipas raportimeve, një pjesë e emigrantëve të shpëtuar nga anijet italiane ka mbërritur në Shqipëri, por për një prej tyre, një 60-vjeçar me probleme shëndetësore, është kërkuar procedurë urgjente për rikthim në Itali.
Për të tjerët, që mbeten në Qendrën e Paraburgimit dhe Riatdhesimit në Gjadër, pritet vendimi i gjykatës, e cila duhet të vlerësojë nëse do të miratohet transferimi i mëtejshëm në Shqipëri. Disa media italiane, si La Repubblica, kanë shprehur shqetësim për shpenzimet e mëdha që ka shkaktuar kjo marrëveshje, duke kritikuar qeverinë e Melonit për 42,466 euro shpenzime për emigrant, të cilat përfshijnë ushqim, akomodim dhe pagat e forcave të policisë.
Për Corriere della Sera, kjo është një përpjekje simbolike, pasi as të gjithë emigrantët nuk mund të qëndrojnë në Shqipëri. Muajin e kaluar, Gjykata e Romës anuloi masat ndaj 12 azilkërkuesve të parë, duke i konsideruar Shqipërinë dhe disa shtete të tjera të “pa sigurta” për refugjatët. Kjo vendim do të ndikojë edhe në fatin e grupit të ri të emigrantëve.
