Kryeministri polak, Donald Tusk, ka deklaruar se në të ardhmen e afërt mund të ketë një datë për armëpushimin në Ukrainë. Ai theksoi se kjo do të sjellë një reduktim të ndërhyrjes së SHBA-së në çështjet e Ukrainës, duke sugjeruar një ndryshim në politikën e Perëndimit përballë agresionit rus.
Sipas Wall Street Journal, Pentagoni ka refuzuar kërkesën e Ukrainës për prioritet në furnizimin me sisteme raketore Atacms, duke i dhënë një sinjal të qartë se mbështetja perëndimore mund të fillojë të zvogëlohet.
Ndërkohë, Elon Musk, i cili është bërë një këshilltar i besuar i presidentit të zgjedhur Donald Trump, ka siguruar vazhdimin e mbështetjes për Ukrainën përmes satelitëve të tij Starlink. Musk mori pjesë gjithashtu në një bisedë telefonike mes Trump dhe presidentit ukrainas Volodymyr Zelensky, duke ripërsëritur angazhimin e tij për ndihmën teknologjike.
Nga ana e saj, kryeministrja italiane Giorgia Meloni ka deklaruar se Italia do të qëndrojë në anën e Ukrainës për sa kohë të vazhdojë konflikti me Moskën.
