Komisioni i Vlerësimit të Aplikimeve për përzgjedhjen e kandidatëve për drejtor të drejtorisë vendore në Policinë e Shtetit ka shpallur listën e kandidatëve dhe pikët që ata kanë marrë gjatë procesit të konkurimit. Ky komision përbëhet nga 3 drejtues të lartë të Policisë së Shtetit dhe ka shqyrtuar dokumentacionin dhe intervistat e kandidatëve për pozicionin “Drejtor i Drejtorisë Vendore” në Policinë e Shtetit.
Sipas vendimit, konkurrentët Artur Shira, Dritan Malaj dhe Lorenc Shehu nuk janë paraqitur në fazën e intervistës, ndërkohë që kandidatët e tjerë kanë marrë pikët përkatëse në përputhje me performancën e tyre gjatë intervistës dhe shqyrtimit të dokumentacionit.
Kandidatët kanë të drejtën e ankimimit të vendimit brenda dy ditëve nga publikimi i tij në faqen zyrtare të Policisë së Shtetit.
