Izraeli ka realizuar sulme ajrore në Libanin verior, duke vrarë të paktën 14 persona dhe të plagosur 15 të tjerë.
Bombardimet goditën një ndërtesë në fshatin Ain Yaqoob, ku strehoheshin rreth 30 persona, përfshirë refugjatë sirianë. Ky është sulmi i parë në këtë zonë që nga fillimi i konfliktit Izrael-Hamas në tetor 2023. Sipas autoriteteve lokale, frika është se numri i viktimave mund të rritet, pasi ka ende të bllokuar në rrënoja.
Forcat izraelite thanë se objektivi ishte një “infrastrukturë ushtarake” dhe një “terrorist”, duke mohuar viktimat civile.
