Arlind Qori tha se pensioni mesatar në Shqipëri është në vlerën e minimumit jetik dhe theksoi se të moshuarit nuk mbushin dot barkun me bukë.
Qori i ftuar në emisionin Open në News 24, u shpreh që qindra milionë që vidhen, mund të shkonin në subvencionin për skemën e pensioneve.
“Referuar pr/buxhetit për 2025, raporti kontribues-pensionist do të jetë 1.17, aq sa është edhe sot. Në këtë kuadër, kjo qeveri tregon se nuk do të luftojë as informalitetin, as do të bëjë asgjë për të ndryshuar situatën. Kemi një qeveri që tallet me pensionistët, mendon se ata 700 mijë pensionistët i ka në xhep dhe vijon tallet. Del Kryeministri dhe nuk di se çfarë thotë, njëherë flet për bonuse, pastaj për rritje. Rama i përzgjedh edhe ata pensionistët që thërret në takime”, tha Qori.
