10-vjeçarja që u ther me thikë gjatë një sulmi në Ferizaj, ku katër persona u plagosën, ka lëndime serioze.
Shaqir Uka, Shef i Intensivës në QKUK, ka deklaruar se pas intervenimit kirurgjik, vajza vazhdon të jetë e monitoruar dhe e lidhur me aparatura mjekësore. Gjendja e saj është e rëndë, por e qëndrueshme.
“Njëra paciente është 10-vjeçare, pas lëndimeve që ka pësuar me plagë therëse dhe pas intervenimit kirurgjik ajo është sjell dhe vazhdon të marrë trajtimin mjekësor në Mjekimin Intensiv qendor. Lëndimet janë serioze, por gjendja e përgjithshme e saj prezantohet të jetë stabile. Ajo vazhdon të jetë e monitoruar 24 orë dhe e kyçur për aparatura mjekësore”, tha Uka
Sulmi ndodhi nga një 59-vjeçar, i cili sulmoi dy vajza dhe dy meshkuj.
