Një konflikt i shkaktuar për motive të thjeshta ka ndodhur mes dy adoleshentëve në lagjen 10, pranë gjimnazit “Raqi Qirinxhi” në Korçë.
Sipas informacioneve, sherri fillimisht ka nisur me fjalë, por ka eskaluar në dhunë fizike, ku njëri prej adoleshentëve ka pësuar dëmtime të dukshme në fytyrë nga goditjet me grushte. Ai është dërguar në spitalin e Korçës për trajtim mjekësor.
Ndërkohë, policia ka shoqëruar të riun tjetër në komisariat, ndërsa po zhvillon hetime për të zbardhur plotësisht rrethanat e incidentit.
