Në Maqedoninë e Veriut është zbuluar vendbanimi më i vjetër në Evropë, i përket periudhës së Neolitit dhe ndodhet pranë Manastirit, në lokalitetin e njohur si Vlaho.
Zbulimi është bërë nga një ekip ndërkombëtar arkeologësh, përfshirë edhe ekspertë grekë. Ish-kryeministri maqedonas, Ljubço Georgievski, njoftoi se ky informacion ka mbetur i fshehur për 20 ditë për shkak të reagimeve negative nga arkeologët serbë, të cilët ishin të shqetësuar nga fakti që vendbanimi i Maqedonisë mund të jetë më i vjetër se Lepenski Vir, që deri tani konsiderohej vendbanimi më i vjetër në Evropë.
Georgievski apeloi për mbështetje politike dhe investime në zhvillimin e turizmit rreth këtij zbulimi të rëndësishëm.
