Është arrestuar një mësues 45-vjeçar nga polica e Korçës me akuzën për ngacmim seksual të dy të miturave. Policia bën të ditur se 14-vjeçaret merrnin mesazhe në whatsapp nga mësuesi i tyre Bledar Duro, i cili dyshohet se i ka ngacmuar në harkun kohor të një muaji.
Vajzat së bashku me prindërit kanë denoncuar rastin e rëndë dhe si provë kanë lënë telefonat e tyre me mesazhet e mësuesit në komisariatin e policisë së Korçës.
Sipas burimeve nga policia, mesazhet dërgoheshin kur nxënëset nuk ishin në shkollë.
Mesazhet e shpeshta kohëve të fundit detyruan nxënëset të ndërmerrnin një hap tjetër për t’iu drejtuar policisë së Korçës.
Bledar Duro u arrestua menjëherë nga policia ndërsa pritet të zbardhen më tepër detaje lidhur me rastin.
Korçë/ Ngacmoi seksualisht dy 14-vjeçare në WhatsApp, arrestohet mësuesi
