Futbolli shqiptar është në zi pas ndarjes nga jeta të Hekuran Jakupit, ish-sulmuesi i njohur i Elbasanit, në moshën 58-vjeçare.
Pas një beteje të gjatë me sëmundjen, Jakupi ka ndërruar jetë duke lënë pas një hidhërim të thellë te të gjithë ata që e njohën. Ai ishte një nga futbollistët më të mirë të viteve ’90 dhe ka kontribuar në ekipet e Elbasanit, Bylisit, Tiranës, Teutës dhe Erzenit.
Pas përfundimit të karrierës si lojtar, Jakupi iu kushtua përgatitjes së talenteve të rinj, duke punuar si trajner, më së fundi te AF Bajrami. Presidenti i FSHF-së, Armand Duka, ka shprehur ngushëllimet për humbjen e tij.
