Detaje të reja dalin nga operacioni antidrogë që po zhvillohet në Tiranë. Banda kriminale dyshohet se ka trafikuar sasi të mëdha kokaine, ndërkohë që ka dyshime për një laborator droge edhe në Qerekë të Fushë-Krujës.
Një laborator kokaine është zbuluar mbrëmjen e sotme në Kavajë, ndërsa janë kontrolluar dhjetëra banesa në Tiranë, kryesisht në zonën e “Kodra e Diellit”. Gjatë aksionit janë arrestuar disa persona, por ende nuk janë publikuar emrat e tyre.
Operacioni po udhëhiqet nga zv/drejtuesi i SPAK, Adnand Xholi, dhe është koordinuar me autoritetet spanjolle, pasi grupi kriminal dyshohet të ketë vepruar edhe në disa zona të Spanjës.
