Drejtuesi politik i PD-së për Tiranën, Belind Këlliçi, e cilësoi si historike rezolutën e miratuar në Kamboxhia nga organizata më e madhe e partive të qendrës së djathtë, IDC CDI. Këlliçi vuri në dukje se kjo rezolutë dënon arrestimet politike dhe mbështet përpjekjet e opozitës shqiptare për të ndaluar abuzimet me pushtetin.
Ai theksoi se rezoluta merr parasysh shembuj të konkretë, duke përfshirë arrestimet e politikës shqiptare, si ai i ish-Presidentit Ilir Meta, Sali Berishës, Fatmir Mediut, dhe disa deputetëve dhe funksionarëve të tjerë të opozitës. Këlliçi nënvizoi se kjo është një mbështetje e fuqishme për opozitën dhe një sinjal i qartë për të ardhmen e Shqipërisë.
“Ky sinjal i qartë, se miqtë e Partisë Demokratike dhe të vendit tonë kanë larguar sytë dhe mendjen nga ne, është një mesazh dhe mbështetje e fortë në momentin e duhur.
Zgjedhjet e ardhshme janë jetike për Shqipërinë dhe ne duhet të bëjmë gjithçka për të rikthyer shpresën tek shqiptarët dhe për ta kthyer vendin në shinat e shtetit ligjor dhe drejtësisë”, thekson Këlliçi.
