Një automjet tip Benz është shkrumbuar nga flakët në Shëngjin, ndërkohë që brenda tij ndodheshin dy vajza.
Fatmirësisht, ato arritën të dalin në kohë dhe nuk pësuan lëndime. Ngjarja ndodhi pas parkimit të mjetit në afërsi të banesës së pronarit. Zjarri u shpërnda shpejt, por zjarrfikësit mbërritën menjëherë dhe bënë të mundur shuarjen e flakëve.
Dyshimet e para janë se zjarri mund të ketë shpërthyer nga një defekt në mjet.
