Forca të shumta policore janë pozicionuar rreth Parlamentit për të siguruar mbarëvajtjen e seancës, ndërkohë që opozita ka thirrur një protestë në orën 17:00 kundër miratimit të projektbuxhetit të vitit 2025.
Policia ka përdorur skafandra dhe mburoja, dhe ka vendosur një automjet që hedh ujë me presion në hyrje të Kuvendit, si pjesë e masave për sigurinë.
Protesta e opozitës do të zhvillohet paralelisht me fjalimet e deputetëve, duke krijuar një atmosferë tensioni mes protestuesve dhe parlamentarëve.
