Shqipëria po luan ndeshjen e fundit në Grupin B1 të Ligës së Kombeve kundër Ukrainës në “Arena Kombëtare”. Pas një fillimi të vështirë dhe një goli të shpejtë nga Zinçenko (5′) që vendosi miqtë në avantazh, kuqezinjtë tentojnë të reagojnë.
Në minutën e 9-të, është sulmuesi Laçi që ofron mundësinë e parë për Shqipërinë, duke u përpjekur të shpërthejë mbrojtjen ukrainase. Kjo tentativë ka krijuar shpresë te tifozët e shumtë në stadium, edhe pse Ukraina ka marrë kontrollin e lojës që nga fillimi i ndeshjes.
Në këtë përballje, Shqipëria ka nevojë për fitore për të shpresuar në renditjen e parë të grupit, ndërkohë që Ukraina është e detyruar të fitojë për të shpëtuar nga rënia në Ligën C.
