Ish-kryeministri Sali Berisha ka reaguar ashpër pas shembjes së banesës së kryetarit të grup seksionit të PD-së në Suk-1, Tofik Metushi. Berisha ka akuzuar zv/kryeministren dhe ministreshën e Infrastrukturës, Belinda Balluku, dhe drejtorin e ri të qarkut Fier, Skender Hitaj, për një akt hakmarrjeje ndaj Metushit dhe banorëve të Suk-1.
Ai tha se shtëpia ishte shkatërruar pa asnjë paralajmërim dhe pa një vendim zyrtar, duke e krahasuar situatën me veprime të pushtuesve të egër. Berisha theksoi se ky ishte një shembull tjetër i abuzimit të pushtetit nga qeveria aktuale.
Të dashur miq!
Një përshëndetje të përzemërt dua ti përcjell oratorëve të kësaj platforme që çdo natë përcjellin nga kjo tribunë të vërtetat që censuron regjimi i krimi, drogës e vjedhjes së shqiptarëve.
Përshëndes përzemërsisht krytarin e Partisë së Lirisë, z. Ilir Meta, përshëndes nënkryetarin e grupit parlamentar të PD, Ervin Salianji për qëndresën e tyre të pamposhtur në qelitë e burgjeve të narkodiktaturës.
Si dhe çdo opozitare e opozitar që është subjekt i dhunës, presioneve, terrorizimit të këtij regjimi.
Përshëndes banorët e Suk-1, kryetarin e grup seksionit që në një akt hakmarrje primitive Lubi Balluku me narkokomisarin Hitaj i rrafshuan shtëpinë pa asnjë paralajmërim, pa asnjë njoftim, njëlloj sikur të ishin pushtues të egër dhe pa i paraqitur asnjë vendim.
