Agjencia e Mbikëqyrjes Policore ka nisur hetimet për 3 punonjësit e policisë që janë gjendur në shoqërinë e Klaudio Prendit. 27-vjeçari ndodhej në lokal në zonën e Xhamllikut në Tiranë me tre punonjës policie. AMP do të intervistojë tre oficerët e policisë dhe më pas do të konkludojë për ngjarjen.
Klaudio Prendi u ekzekutua me armë me silenciator dhe si pasojë ka humbur jetën. Autorët e kishin ndjekur dhe gjatë kohës që Klaudio ka dalë nga lokali në zonën e Xhamllikut dhe po futej në makinën e tij G-Class e kanë qëlluar.
Më pas autorët janë larguar dhe kanë djegur makinën “Audi A4” në zonën e Farkës dhe janë larguar nga aty me automjet tjetër. Ndërsa pistoleta u gjet në makinën e autorëve dhe ishte plotësisht e djegur.
Video- Momenti i vrasjes së Klaudio Prendit, gjendet arma në makinën e autorëve
