Një lajm i bujshëm vjen nga Italia, ku sulmuesi i Kombëtares Shpresa, Kristian Shpendi, mund të bëjë një hap të madh në karrierën e tij.
21-vjeçari, që po shkëlqen me Çezenën në Serinë B dhe është golashënuesi më i mirë i kampionatit, ka tërhequr vëmendjen e disa klubeve të mëdha. Pas Fiorentinës, tani Atalanta e Berat Gjimshitit ka shfaqur interes për të, duke ofruar deri në 10 milionë euro për shërbimet e tij.
Ky interes vjen pas një sezoni të shkëlqyer të Shpendit, i cili ka shënuar 8 gola në 12 ndeshje.
