Gjykata e Apelit të GJKKO ka dënuar me burg përjetë tre anëtarë të “Bandës së Cërrikut”, të cilët ishin përfshirë në masakrën e vitit 1997, ku u vranë 6 gardistë.
Meti Bozi, Roland Sota dhe Arjan Toska janë emrat e tre të dënuarve që u shpallën fajtorë për vrasjen e gardistëve më 23 mars 1997, kur banda qëlloi mbi një patrullë të Gardës së Republikës. Ngjarja la të plagosur edhe 9 punonjës të Policisë së Shtetit.
“Banda e Cërrikut” është njohur për aktet e saj të dhunshme gjatë krizës së vitit 1997 në Shqipëri, dhe ky dënim i ri i dërgon një mesazh për drejtësinë dhe luftën kundër grupeve kriminale të dhunshme.
