Presidentja e Komisionit Evropian, Ursula von der Leyen, ofroi ndihmën e saj mjekësore për një pasagjer që pësoi një emergjencë shëndetësore gjatë fluturimit nga Zyrihu në Bruksel.
Pas thirrjes nga stafi i linjës ajrore, që kërkoi ndihmën e një profesionisti mjekësor, von der Leyen ndërhyri dhe e asistoi pacientin deri në momentin që ekipi mjekësor e mori në dorë pasi avioni kishte mbërritur në aeroport.
Komisioni Evropian dhe linja ajrore Swiss konfirmuan incidentin, duke theksuar se ndihma ishte ofruar pa detaje të tjera për gjendjen e pasagjerit për shkak të privatësisë.
