Një hetim shkencor i realizuar nga astronomët ka konfirmuar se bërthama e brendshme e Hënës është një “top i fortë” me një densitet të ngjashëm me atë të hekurit. Ky zbulim përbën një hap të madh në kuptimin e evolucionit të Hënës dhe të Sistemit Diellor.
Ekipi i udhëhequr nga Arthur Briaud i Qendrës Kombëtare Franceze për Kërkime Shkencore, ka përdorur të dhëna të mbledhura nga misionet hapësinore dhe eksperimentet me rreze lazer për të krijuar një model të brendësisë së Hënës. Ata zbuluan se Hëna ka një bërthamë të ngurtë, të përbërë nga materiale të ngurta me densitet të lartë, shumë të ngjashme me bërthamën e Tokës.
Ky studim është një konfirmim i mëtejshëm i gjetjeve të vitit 2011 nga një ekip i NASA-s, i cili gjithashtu kishte arritur në përfundimin se Hëna ka një bërthamë të ngurtë. Densiteti i kësaj bërthame është rreth 7,822 kilogramë për metër kub, duke i dhënë përgjigje disa mistereve të lidhura me fushën magnetike të Hënës, e cila ka filluar të zbehet që nga 3.2 miliardë vjet më parë.
Ky zbulim mund të ndihmojë në përmirësimin e teorive mbi mënyrën se si dhe pse është zhvilluar fushë magnetike e Hënës dhe mund të kontribuoni në një kuptim më të thellë të formimit të Hënës dhe marrëdhënies së saj me Tokën.
