14-vjeçari M. P., i akuzuar për goditjen me thikë në zemër të bashkëmoshatarit Martin Cani, është transferuar nga spitali privat në burgun e të miturve.
Ngjarja ndodhi më 13 Nëntor pranë shkollës “Fan Noli”. M. P. ishte shtruar në spital pasi u plagos gjatë një sherri, ndërsa shoku i viktimës, Luis M., është në gjendje të rëndë.
14-vjeçarit iu caktua masa e sigurisë “arrest me burg”, ndërsa është i vetmi autor i dyshuar. Policia ka hedhur poshtë pretendimet e Luisit, i cili tha se kishte dy sulmues.
